Red Hot Chili Peppers, Den Grå Hal, Christiania

Ég skellti mér til Kaupmannahafnar á föstudaginn var með litlum fyrirvara. Af hverju??? Jú, af því ég vann miða á www.redhotchilipeppers.com á promo tónleika með Red Hot Chili Peppers. Þetta er ekki aprílgabb :)

Á miðvikudeginum fékk ég símtal þar sem mér var tilkynnt hvers kyns var. Ég hóaði í frænda og á föstudeginum vorum við í flugvélinni áleiðis til Köben, og sunnudagskvöld voru tónleikarnir áætlaðir.

Ég komst svo að því að tónleikarnir skyldu fara fram í Den Grå Hal í Christaniu fyrir framan ca. 700 manns. Þeir félagar halda sjaldan tónleika fyrir færri en 30.000 manns.

Við fengum miðana afhenta hjá konu að nafni Helene fyrir utan tónleikastaðinn.


Biðröðin inn í Den Grå Hal

Það er skemmst frá því að segja að við vorum einir af þeim fyrstu inn í salinn og vorum alveg fremst :) Eftir rúmlega klukkustundar bið stigu þeir á stokk og við tóku án nokkurs vafa þeir bestu tónleikar sem ég hef nokkru sinni upplifað. Að vera viðstaddur tónleika með Red Hot Chili Peppers á jafn litlum stað og svo lítilli fjarlægð, er ólýsanlegt.

Tónleikarnir:

Intro
Can't Stop
Charlie
Scar Tissue
Snow
I Feel Love
Dani California
The Bicycle Song
Me and My Friends
Otherside
I Could Have Lied
Tell Me Baby
Around the World
Don't Forget Me
Right on Time
Torture Me
By The Way

Encore:

Drum Medley/Solo
Soul To Squeeze
Give it Away

Nýju lögin hljómuðu gríðarlega vel, sérstaklega "Snow". Svo tóku þeir frábær lög sem þeir spila ekki á hverjum degi, eins og "Soul to squeeze" og "I feel love" þar sem John Frusciante fer á kostum.
Þess má geta að "Stadium Arcadium" verður frumflutt hér þann 1. maí á netinu. Hún kemur svo út þann 5. maí í Evrópu en 9. maí í BNA.

Við útbjuggum eftirfarandi spjald fyrir tónleikana:



(Rétt hjá ykkur, það er úr pizzakassa :) )

Það má með sanni segja að það hafi slegið í gegn og hafði hljómsveitin mjög gaman að þessu, ekki síst gítarleikarinn Frusciante en við vorum beint fyrir framan hann á tónleikunum.

Ef þið trúið mér ekki enn, smellið hér.

Farið í "se galleri". Þar má sjá umrætt skilti :)

Daginn eftir komst ég að því krónprins Dana ásamt sinni heittelskuðu Mary hafi mætt á tónleikana. Við urðum lítið varir við þau, enda fremst í hasarnum meðan þau hafa eflaust sopið kampavín aftar, umkringd öryggisvörðum.





Þessar myndir tókum við á símana okkar, og sýna þær vel hversu fáránlega nálægt við vorum goðunum.

Ógleymanlegt! Maður lifir á þessu a.m.k. út árið :)

at war with the mystics

Það er hefð fyrir því að ég beri út fagnaðarerindið þegar ég hlusta á góðar plötur. Nú eru það engir aðrir en meistarar Flaming Lips:



Þetta er ellefta stúdíóplata þeirra, og svei mér þá ef hún er ekki sú besta. Sjálfur á ég reyndar erfitt með að gera upp á milli hennar og meistarstykkisins "The Soft Bulletin".
Þetta speisaða rokk þeirra, hlaðið melodíum, er algjörlega ómótstæðilegt, og textarnir sömuleiðis með því betra sem gerist.

Bestu lög:
The yeah yeah yeah song
My cosmic autumn rebellion
Vein of stars
Haven´t got a clue
The W.A.N.D.
Pompeii am götterammerung

At War with the Mystics

My Space

Til hamingju Ísland með að ég fæddist hér

Á þessum ágæta degi fyrir 23 árum fæddi móðir mín sveinbarn.
18 merkur að þyngd, dökkhærður og krumpaður töffari.

Getur það verið....?

Samsæriskenning um 9/11.

The Meatrix

Hvet ykkur til að doka við og horfa á:

The Meatrix 2

Dani California

Horfið á myndbandið við nýja Red Hot lagið hérna.

Veit ekki með ykkur, en mér finnst það geggjað. Sérstaklega Frusciante að taka sólóið í Bítlabúningi.

Þetta gamla góða

Aftur kominn í rútínuna á Íslandi eftir rúmlega þriggja vikna dvöl í Litháen og Danmörku. Fyndna er að ég sló ekki metið yfir lengstu utanlandsferð mína, heldur jafnaði það:)
Litháen er um margt mjög merkilegt land og Litháar mjög hlýlegir, í það minnsta fólkið sem tók á móti okkur. Fáir gera sér grein fyrir að þetta var stærsta land Evrópu á miðöldum, og á sér ríka sögu.

(ó)skemmtilegar staðreyndir:

* þar til maturinn er borinn fram, er boðið upp á reykt svínaeyru klippt í strimla sem snarl

* í búðum fæst súkkulaðihúðaður sýrður rjómi, með nokkurn veginn hvaða bragði sem er (þetta er reyndar furðugott)

* þjóðarforrétturinn er steikt brauð á pönnu, skorið í bita, með bráðnum hvítlauksosti yfir

* Big Mac máltíð kostar 10 litas, eða 250 kr


Barnaspítalinn í Santeriskas, Vilnius

PS Takið eftir fótsporunum þremur, neðst til vinstri (nei, Litháar hafa ekki þrjá fætur...)

Dani California

Hlustið á nýja Red Hot lagið hérna.

John Frusciante á Strikinu...

Heil og sæl. Nú er ég staddur í Köben í afslöppun fyrir alvöruna á Íslandi. Hafði ég heyrt að Red Hot Chili Peppers væru staddir hér til að kynna plötuna sína "Stadium Arcadium".
Strax byrjaði ég að gera mér vonir um að hitta goðin einvers staðar niður í bæ, en var jafnframt raunsær.
Í dag skruppum við niður í bæ og röltum Strikið og versluðum. Þegar ég er pollrólegur að skoða föt í H&M verður mér litið til hliðar...og hver stendur þar annar en John Frusciante, gítarleikari Red Hot, átrúnaðargoð mitt og sá tónlistarmaður sem ég ber mesta virðingu fyrir. Stóð hann þarna bara rólegur að skoða fötin eins og hver annar.
Að sjálfsögðu fór ég og heilsaði upp á manninn. Eitthvað svo óraunverulegt að spjalla við manninn, sem er ótrúlega jarðbundinn.

Sem sagt, eintóm snilld! :)


John Frusciante