Prófblogg

Já ég ásamt öðrum 2. árs læknanemum er kominn í sveittan próflestur fyrir tvö stór próf í byrjun apríl, lífefnafræði B og lífeðlisfræði B. Stíft prógram en þetta er allt mjög praktískt svo það er hið besta mál!

Eins og ég hef minnst á hér áður verður í plötuuppskeran með besta móti í ár. Hér koma nokkrar af þeim sem ég get varla beðið eftir.

Red Hot Chili Peppers
Þó ég sé alltaf að uppgötva nýja frábæra tónlist eru þeir enn sem komið er uppáhalds hljómsveitin. Þeir félagar fóru inn í hljóðver 16. mars með 35 ný lög í farteskinu. Flea bassaleikari hljómsveitarinnar segist aldrei hafa verið jafn spenntur yfir nýju efni sveitarinnar og nú. Sennilega kemur platan ekki út fyrr en með haustinu og þá í fyrsta lagi í ágúst/september. Get ekki beðið...

Flaming Lips
Ný plata er sömuleiðis væntanleg frá þessum snillingum. Wayne Coyne er Brian Wilson okkar tíma. Nýja platan kemur til með að heita "At War With The Mystics" sem er eilítið súrt eins og þeirra er von og vísa.

Coldplay
Ný plata í byrjun júní "X&Y". Nýr singull "Speed of Sound" í spilun í apríl. Chris Martin segir að þeir eigi aldrei eftir að toppa þetta efni. Spennó!

NIN
Ný plata í vor "With Teeth". Trent Reznor er snillingur. Ekki verra að meistari Dave Grohl ber húðir í nokkrum laganna.

Foo Fighters
Þeir hafa ekki klikkað hingað til. Nýja platan verður tvöföld þar sem önnur þeirra verður í rólegri kantinum en á hinni verður rokkið keyrt í botn. Hressandi...mjög hressandi.

Sömuleiðis kemur ný Franz Ferdinand plata með sumrinu. Sem sagt allt að gerast. Nú er bara að spara nóg af monning:)

Nú er það...finnskt!

Mánudagsmorgunn...

...hressleikinn í fyrirrúmi...eða þannig.
Bætti Jóel í linkana. Hann skrifar:
Hver ertu?

Ég setti svona teljara á þessa síðu um daginn. Ég bara spyr: Hver ert þú?
Mjög dularfullt.
Ég þarf greinilega að passa hvað ég skrifa. Ég hélt það kæmu svona 10 á dag.
Er einhver sæt stelpa að lesa þetta?
Eða eru það bara nördar sem lesa blogg?
Get a life.
Hressandi - hressti mig a.m.k. yfir magnsvörunarkúrfum insúlíns...
Svo er það mánudagsboltinn í kvöld. Hvílík snilli - gerir mánudagana svo miklu skemmtilegri.

Hver er...

...Purkur Lemúr??? Hver er þessi dularfulli maður sem er milli tannanna á sérhverju mannsbarni???
Purkur Lemúr er af grein prímata sem þróuðust sjálfstætt öðrum prímötum...aha! Rætur hans er að finna á eynni San Hosaminishiquasimodo SA af Mansjúríu.
Purkur Lemúr eyðir tíma sínum í:
-kanilsnúða
-gæsahúðasnus
-kryddjurtir
-meiri kanilsnúða

Spenntur fyrir...

...nýju Red Hot plötunni.
"Yesterday friday march 4 the band did officially go into the studio and start work on the new album armed with 30 to 35 new songs and Rick Rubin producing. Indications are perhaps a return to a little more old school RHCP this time."

Sjón er sögu ríkari...

Fyrr í kvöld er ég var á ferð í bíl með þeim Önnu, Martin og Valla varð ég vitni að mögnuðu útspili á himninum. Ég spurði þau hvort þau hefðu séð það sama og ég. Þegar ég lýsti því fyrir þeim datt mér helst í hug grænn flugeldur.
mbl.is:
Mikill ljósagangur yfir landinu í kvöld
Sérkennilegt ljós sást á himni víða um land og umhverfis landið um klukkan hálf ellefu í kvöld. Að minnsta kosti tíu tilkynningar um ljósaganginn hafa borist til Neyðarlínu og lögreglu víða á landinu auk þess sem tilkynnt var um hann úr flugvél yfir Kili og skipi suður af landinu.

Samkvæmt upplýsingum lögreglunnar á Akureyri sögðu sumir að um grænt ljós, sem líktist helst flugeldi, hefði verið að ræða en aðrir töluðu um skæran hvítan blossa.

Skýringar á fyrirbærinu liggja ekki fyrir en mestar líkur eru taldar á að loftsteinn hafi farið óvenju nálægt jörðu.

Græni flugeldurinn var sem sagt loftsteinn:)

Allir í Atlantsolíu...og hananú!

mbl.is:
Olíufélögin hækka eldsneytisverð
Olíufélögin Esso, Skeljungur og Olís hækkkuðu eldsneytisverð í dag. Félögin hækkuðu lítrann af bensíni um 1,5-3 krónur og lítrann af dísilolíu um 3 krónur.

Esso hækkaði fyrst verð á eldsneyti í gær, bensínlítrann um 1,50 krónur, lítrann af dísil- og flotaolíu um 2,50 krónur og svartolíulítrann um 1 krónu. Í dag hækkaði félagið verðið aftur bensín um 1 krónu á lítra og sömuleiðis flotaolíu og svartolíu um 1 krónu. Skeljungur og Olís hækkuðu einnig eldsneytisverð í dag.

Eftir þessar breytingar er viðmiðunarverð á 95 oktana bensíni almennt 101,70 krónur í sjálfsafgreiðslu og lítrinn af dísilolíu 49,20 krónur.

Mikil ósköp er það sem þessum olíufélögum gengur illa að aðlaga sig að samkeppnislögum (sem er fáránleg fullyrðing...get ég þá sagt við lögregluþjón sem stöðvar mig í umferðinni að mér gangi bara svo illa að aðlaga mig að umferðalögunum :/).
Sýnum í verki að þetta líðist ekki og sniðgöngum þessi plebbaolíufélög!