Dvergurinn Daði...

...er frábær bók. Tímalaust meistaraverk. Argasta snilld......
Ég elskaði þessa bók þegar ég var lítill og las hana skrilljón dilljón sinnum. Á coverinu var hann Daði valhoppandi í góðu glensi með íkorna (frekar en ref) í eftirdragi.
Í 6 ára bekk var lestrarhorn í stofunni með kósý teppi sem maður gat tyllt sér á við lestur góðrar bókar. (Svo man ég líka eftir spjaldi með mynd af haus af frumbyggja sem við kölluðum Kollu og giskuðum á dagana og svo fór dagurinn í munninn á henni þegar einhverjum tókst að giska á hann. Þetta gerðum við á hverjum degi og þegar ég ætlaði að slá í gegn og segja daginn, sagði ég sjötti í stað sjöunda og einhver annar svaraði og ég var síður en svo sáttur...:)
---Anyways...það vildi svo til eitt sinn að ég var í lestrarhorninu í lok skóladagsins og benti á bókina "Dvergurinn Daði" og sagði við kennslukonurnar:
,,Ég á þessa bók !"
Undrunarsvipurinn á kennurunum leyndi sér ekki...
Kennari: ,,Átt þú þessa bók ?"
Óli : ,,Jaaháá"
Kennari: ,,Viltu þá ekki taka hana heim með þér"
Óli :,,Nei, það ætla ég ekki að gera "
Kennari:,,En þú átt þessa bók ?"
Óli :,,Ójá !"
Kennari:,,Já viltu þá ekki taka hana heim?"
Óli:,,Neibbs"
Svona hélt samtalið áfram lengi lengi þar sem kennslukonurnar skildu ekkert í honum Óla litla að vilja ekki taka bókina sína heim með sér.
Bókin mín var nefnilega heima hjá mér. Það eina sem ég meinti var að ég ætti eintak af sömu bók ;)

Handboltaveislan hafin....

...og ekki byrjaði þetta vel. 6 marka tap gegn gestgjöfunum í fyrsta leik. Það lá fyrir að þetta ætti eftir að reynast þungur róður en ýmislegt má betur fara í leik íslenska liðsins.

Sóknarleikurinn var ekki nógu góður. Nr. 1,2 og 3 hjá Slóvenunum var að brjóta okkur niður og taka Óla Stef úr umferð. Það gekk nokkurn veginn upp. Þeir komust upp með brutal varnarleik og er skemmst að minnast olnbogaskotsins sem Snorri Steinn fékk í fyrri hálfleik. En með góðum varnarleik, frábærri markvörslu hjá afmælisbarninu Gumma Hrafnkels og góðum endaspretti náðum við að jafna fyrir hálfleik.

Síðari hálfleikurinn byrjaði vel og við héldum ca. tveggja marka forystu fram að miðjum síðari hálfleik. En skyndilega hrundi leikur íslenska liðsins. Þrjár brottvísanir á skömmum tíma koma "strákunum okkar" í bobba en í þeirri stöðu vorum við síður en svo skynsamir. Það síðasta sem þú gerir í þessari stöðu er að taka ótímabær skot, sem við og gerðum, heldur á að spila tuðrunni og fá góða hreyfingu án bolta. Ef ekkert færi gefst er alveg eins gott að fá dæmda á sig töf.....

Í kjölfarið sigla Slóvenar fram úr og breyta stöðunni úr 22-20 í 27-22 á hreint ótrúlegum kafla. Leikurinn endaði svo 34-28. Af íslenska liðinu voru Óli, Guðjón og Snorri bestir. Aftur á móti olli Garcia vonbrigðum og sömuleiðis sóknarleikurinn í heild sinni.

Í dag leikum við gegn Ungverjum sem stilla upp gríðarsterku liði sem lagði Tékka í fyrsta leik. Ef íslenska liðið ætlar að eygja möguleika á að komast upp úr riðlinum verður það að vinna þennan leik og til þess þarf topp-spilamennsku af hálfu okkar manna. Þeir hafa sýnt áður hvers konar karakter býr í þeim og ef einbeitingin og skapið er til staðar er allt hægt.

Áfram Ísland

Allt vitlaust á hlöðunni....

....eða þannig ! Nú er nóg komið af hr. thalamus í bili. Vertu sæll!

Staðreynd: ef ég tek mér ekki eðal-frí í sumar þá get ég kysst andlegt heilbrigði mitt bless....

Þannig er mál með vexti að ég var allt annað en úthvíldur eftir þetta blessaða "jólafrí" sem var ekkert frí fyrir mig. Síðast jólaprófið 16. des...jibbí !!! Morguninn eftir: aðgerð. Stutt og laggóð aðgerð. Ekkert getur farið úrskeiðis. Nema að minns er bara hálfblæðari (óstaðfest: rannsóknir standa yfir og munu niðurstöður verða birtar hér fljótlega EXCLUSIVE!)

Niðurstaða: ég varð að liggja allt jólafríið. Liggja, liggja, liggja. Þó svo að ýmislegt sé að gera fyrir liggjandi mann er það takmarkað. (Þórbergur Þórðarson bjargaði mér í versta skammdeginu. Snillingur. Í jólafríinu las ég "Bréf til Láru" og "Íslenskur aðall". Ég mæli með Þórbergi.....)

Og þó svo viss hvíld felist í því að liggja verður maður á endanum snælduvitlaus.

Sem sagt það verður skipulögð einhver mögnuð ferð út fyrir landsteinana í sumar. Staðfest.....:)

Duglegasti bloggarinn.....

...eiiiiinmittt!

Nú er læknirinn aftur kominn á fullt. Nú er það höfuð & háls + taugalíffærafræði. Nú tekur við lestur sem Hannes Hólmsteinn "Kiljan" á afmetamínsterum mundi vera stoltur af en hann ku lesa sex bækur á dag.
Þessu lýkur svo öllu saman með þriggja tíma prófi á afmælisdegi föður míns, þann 14. febrúar. Þá um kvöldið halda piltar og stúlkur út í óvissuna þar sem þeirra bíður árshátíð. Segist mér sá hugur að þá verði djammað ærlega enda verða þá liðnir einir tveir mánuðir síðan Becksinn tók á því.

Óli Hilmar er....

...á lífi. Ég er ekki farinn til Kína........